LA UNION – Inarestar dagiti kameng ti City of San Fernando Police Station iti innem a tattao a pakairaman iti maysa a menor de edad, kalpasan a naaktuan dagitoy nga agsusugal ti tong-its, idiay Barangay 1, ditoy syudad.
Malaksid kadagiti naarestar, kinumpiskar met dagiti otoridad iti dua a set ti poker cards agraman iti bet money dagitoy nga umabot ti P119.00 iti nagduduma a denominasyon.
Dagiti nasao nga indibiduwal ket sumangsango ita iti kaso a panaglabsing iti City Ordinance No.3 series of 1970 wenno Illegal Gambling Law.
