BR LA UNION – Innem a Palestino iti natay ken adu pay dagiti nasugatan kalpasan a pinaltugan iti Israeli forces asideg iti maysa nga aid distribution center idiay abagatan ti Gaza, segun iti Hamas-run Civil Defence agency.
Napasamak ti insidente idi bigat ti Sabado, bayat nga agu-ummong dagiti tattao tapno mangala iti suplay a taraon.
Segun iti maysa a tagapagsarita ti Civil Defence, pinaltugan dagiti Israeli idi gandaten dagiti tattao a tumulong tapno makaasideg da iti lugar.
Segun iti Israeli military, maipagarop a nag-warning shots da kontra kadagiti suspek nga umasideg ken nagpangta kadakuada.
Nagdesisyon iti Gaza Humanitarian Foundation (GHF), a tumultulong iti operasyon, nga isardeng pay laeng iti panagibunong dagiti suplay ti taraon tapno masiguro ti kinatalged ken maliklikan ti sobra a panagadu ti tattao.
Iti agdama, nasurok 54,677 a Palestine civilian iti natay sipud timpuar ti riribok idiay Gaza, maibasar iti kauddian a datos ti Ministry of Health ti Gaza.
