LA UNION – Adda ita iti salwad ti pulisya dagiti innem nga agsusugal a natiliw idiay Barangay Pagdalagan Norte, syudad ti San Fernando, La Union.
Maipagarup a naaktuan iti pannakabagi ti San Fernando City Police dagiti suspek a madama nga agay-ay-ayam iti baraha.
Malaksid iti baraha, umabot met iti P1,000 kwarta a pagtaytaya dagitoy iti nakompiskar.
Sumangsango iti kaso a panaglabsing iti Anti-illegal Gambling Law dagiti suspek.
