BR LA UNION – Aganay 62 a tattao ti natay iti nakaru a panagtudtudo ken nalawa a panaglayos idiay Kenya.
Dandanin makalawas a makapad-padas ti nakaru a panagtudo iti Kenya ken nakaigapwan ti panaglupyas dagiti karayan.
Nairikep iti sumagmamano a kalsada kalpasan a nadadael ti rangtay idiay Nairobi.
Imballaag ti Interior Ministry a makapadas ti nakaru a panagtudtudo ken panaglayos iti sumarsaruno nga aldaw.
Gaputi dayta, nabalakadan dagiti residente a dagus nga umakar iti natalged a lugar.
Siniguro met ni Kenya President William Ruto a mangar-aramid ti wagas dagiti otoridad tapno maiyakar dagiti apektado a residente.
Uray idiay Ethiopia ket makapas-pasar ti nakaru a panaglayos ken landslides a nakatayan ti 100 a tattao.
