Makapadpadas ita ti dadduma a paset ti Europa ti kabaruan a pangta ti panagbomba, agraman dagiti airport ken estasion ti telebision.
Segun kadagiti otoridad, sumagmamano a flight ti nakaawat iti bomb threats idi kalman Biernes, Nobiembre 6, a nakaigapuan ti pannaka-divert ti dadduma nga eroplano ken temporario a pannakaibakuit dagiti pasahero.
Karaman ditoy ti maysa nga eroplano ti Wizz Air manipud Prague nga agturong idiay Roma a nagkasapulan a nga aglanding idiay Venice, Italy.
Nangisyangkat met ti panagbakwit iti headquarters ti Irish national broadcaster nga RTÉ kalpasan a makaawat iti pangta.
Awan met ti nasarakan a mapagduaduaan a banag ken awan ti naipadamag a nadangran.
Agtultuloy pay laeng ti imbestigasion no siasino ti addaan iti likudan kadagiti panagpangta.
