Natay ti 7-anyos nga ubing a babae bayat a nadundunor pay ti walo a sabali kalpasan ti insidente ti panagbagkong ti maysa nga elementary school idiay Zagreb, Croatia.
Maibasar iti imbestigasyon dagiti otoridad, simrek ti maysa a 19-anyos a suspek iti first-grade classroom ti Precko Elementary School.
Immuna a rinautna ti maestra ken sumagmamano nga estudiante babaen ti kutsilio.
Adda dagiti nabiktima na a mannursuro iti kritikal ti kasasaad isu nga agtultuloy ti panagpaimbagda kadagiti ospital.
Iggemen dagiti polis ti suspek kalpasan a natiliw daitoy.
Nasdaaw unay ni Croatian Prime Minister Andrej Plenkovic iti pasamak nu sadiay impanamnamana ti tulong kadagiti biktima.
