LA UNION – 7 nga ili iti nakailista ti panaglayos ditoy probinsiya ti La Union kabayatan iti panagduprak ti habagat a pinapigsa iti naglabas a bagyo.
Daytoy ti kinumpirma iti Bombo Radyo La Union ni Bryan Joves, acting operating officer iti La Union Rescue Team.
Kabilang ditoy iti ili ti agoo, aringay. sto tomas, san fernando city, bacnotan, bangar, ken san juan.
Kinumpirma na pay nga adda iti pamilya manipud iti sumagmamano a lugar iti immakar ken nagturong iti evacuation centers para iti kinatalged dagitoy.
Naamwan nga agpatingga iti tumeng iti kaadalem ti layos ngem dagus met laeng a nag-subside.
Kabayatanna, base met iti report ti DSWD Region 1, adda nailista a panagregga-ay ti daga idiay Barangay Manga ken Macabato idiay Aringay; Barangay Tudingan idiay Naguilian; Barangay Bumbuneg ken Balbalayang idiay San Gabriel; Barangay Cares idiay Pugo ken Barangay Alipang idiay Tubao, La Union.
