LA UNION — Umabot ti 8.5 milyon a window devices iti naapektaran iti sangalubongan, gapwanan ti global IT crash, wenno kaibatugan daytoy iti nakurang a maysa a porsiyento kadagiti amin a Microsoft Windows.
Inlawlawag ti Microsoft a nangrugi ti isyu, alas 7:00 ti rabii idi pay Huwebes, a nangapektar kadagiti windows users nga ipat-pataray iti CrowdStrike Falcon cybersecurity software.
Idi kalman, Sabado, imbaga ni CrowdStrike CEO George Kurtz, in-inuten nga agsub-subli iti normal nga operasyon dagiti airport partikular idiay Germany ken France kalpasan a dagus da a sinimpa wenno inurnos ti problema iti computer system.
Aminado dagiti opisyal ti CrowdStrike a kasapolan a maurnos a nasayaat ti sistema agsipudta umadanin ti pannakaisayangkat ti Olympic Games idiay Paris a mangrugi inton Biyernes, Hulyo 29.
Maipalagip a gapu iti napasamak a technology outage ket nasinga wenno naistorbo iti computer system ti Microsoft.
Gaputi nasao a disruption ken inconvinience, adu iti naapektaran nga operasyon, kangrunaanna kadagiti airport a naka-kanselaran ken na-delay iti adu a flights, transaksiyon ken trabaho iti bangko, taray dagiti negosyo, media, hospital operations, air traffic control, ken kadagiti government offices iti intero a lubong.
