LA UNION – Nagbalin a linaun iti social media iti adu a ladawan dagiti air travelers wenno aglug-lugan ti eroplano, a nag-post ti ladawan idi Biyernes, Hulyo 18, kalpasan a na-stranded dagitoy iti naduma-duma nga airports idiay Europa ken Estados Unidos.
Gapu daytoy iti napasamak a technology outage a nang-singa wenno naka-istorbuan iti computer system ti Microsoft.
Gaputi nasao a disruption ken inconvinience, adu iti naapektaran nga operasyon, kangrunaanna kadagiti airport a naka-kanselaran ken na-delay iti adu a flights, transaksiyon ken trabaho iti bangko, taray dagiti negosyo, media, hospital operations, air traffic control, ken kadagiti government offices iti intero a lubong.
Timpuar ti nasao a problema iti microsoft system gaputi makunkuna a “content upgrade”, segun kenni CrowdStrike CEO George Kurtz.
Iti CrowdStrike, ket maysa a kompanya wenno cybersecurity firm a nakabase idiay Austin, Texas,.
Iti nasao a kompanya ket mangipapaay ti antivirus software para iti windows devices dagiti Microsoft, nga us-usaren iti kaadwan a negosyo ken industriya iti intero a lubong.
Ti nasao a software a maaw-awagan ti “Falcon Sensor” ket isuti mang-protektar iti microsoft system kontra iti breaches ken kadagiti hackers.
Inlawlawag ni Kurtz a ti napasamak idi Biyernes ket saan a security incident wenno cyberattack.
Iti agdama, in-inuten a maisub-subli iti normal nga operasyon dagiti naduma-duma a kompanya, negosyo, establisimento, ken opisina a naapektaran iti “content upgrade.”
Idiay U.S., naapektaran iti American Airlines, Delta Air Lines, United Airlines, Spirit Airlines ken Allegiant Air gaputa grounded amin ti flights dagitoy, kalpasan a nagka-problema dagiti check in passengers, panang-calculate iti aircraft weight ken iti kommunikasyon dagiti crew iti tangatang.
Idiay East Coast, aganay 2,800 U.S. flights iti nakanselar ken 10,000 iti na-delay.
Ngem iti intero a lubong, umabot ti aganay 4,400 flights iti nakanselar.
Nagpaut ti system outage iti nagpatnag ken nangrugi nga urnosen ti cybersecurity firm a CrowdStrike iti nasao a problema ita nga aldaw.
Ditoy Pilipinas, dua nga airline company iti nangkumpirma nga apektado ti sistema da gaputi “tech outage” ti CrowdStrike.
Kabilang iti Cebu Pacific ken AirAsia Philippines.
Kaadwan a bangko ket apektado ken makapad-padas pay laeng iti technical difficulties, a pakairamanan ti BDO, BPI, Unionbank ken Metrobank.
