Inyuswat ti siyam nga oil companies ti fuel discounts da para kadagiti driver ti public utility vehicles (PUVs), non-PUVs, ken transport network vehicle services (TNVS) kas sungbat ti agtultuloy nga oil price adjustments ti sangalubongan a merkado,
Segun iti Department of Energy (DOE), dagiti diskwento ket mangrugi iti aldaw ti Martes, Hulyo 1, 2025, nu sadino ket maaddaan manen ti panagtataripnong ti DOE inton bulan ti Oktubre para kadagiti kanayunan a diskwento a maipatungpal ti maudi a semestre ti tawen 2025.
Kinuna ni Sharon Garin, DOE officer-in-charge, nga agtultuloy ti koordinasyon da kadagiti kompanya ti langis tapno umado pay dagiti bilang ti gasolinaan nga agbalin a paset iti programa.
Karaman pay ti ipatungpal ti ahensya ket iti dedicated PUV lanes nga otomatiko a maaddaan iti diskwento dagiti drivers tunggal agbayad da.
