BR LA UNION – Dinipensaan ni U.S. Border Patrol Commander Greg Bovino iti mapas-pasamak nga Immigration and Customs Enforcement (ICE) crackdown idiay Minnesota, partikular iti “Twin Cities” a Minneapolis ken Saint Paul.
Inladawan ni Bovino ti agdama a sitwasyon iti nasao nga estado nga ‘stark contrast’ wenno maisupadi iti pammati dagiti local political leaders ken protestors, ti pannakai-deploy ti ad-adu pay nga otoridad idiay Minnesota ket tapno siguradwen ti kinatalged dagiti ICE agents ken ti komunidad, gaputi panagbalin a nadursok dagiti agprot-protesta kasaruno ti pannakatay ni Good.
Impaganetget ni Bovino a 90% to 95% kadagiti Minnesotans ket suportado da iti ICE crackdown.
Kinuna na nga awan ti rumbeng a pagbutngan dagiti US citizen ken legal permanent residents.
Kinuna na a dagiti laeng mabut-buteng ket dagiti kriminal wenno agar-aramid ti krimen ken illegal alien.
