LA UNION – Isagsaganan ti pulisya ti kaso kontra iti tricycle driver kalpasan a nakidinnungpar ti luganna iti motorsika nakatayan ti maysa nga estudyante idiay Barangay Talogtog, ili ti Sa Juan, La Union.
Nabigbig ti biktima a ni Haridas Tamaken, 17, residente ti nasao nga ili.
Naammuan ti Bombo Radyo manipud iti San Juan Police Station, kabayatan nga agmanmaneho iti motorsiklo ti biktima ket nakadinnungpar daytoy ti kasinnabat a tricycle a manmanehuen ni Reymone Ganaden, agnanaed met laeng ti nasao nga ili.
Gapu ti kinapigsa iti panagfdinnungpar, naglak-am iti nakaro a sugat iti naduma-duma a paset ti bagina ti biktima isu a natay daytoy.
Kaso a reckless imprudence resulting to homicide ti reklamo a maidatag kontra ti respondent driver a ni Ganaden. (Absalom Flores)
