LA UNION – Maysa nga aldaw sakbay iti nakatuding a tabon ni sigud a Cong. Eufranio Eriguel, naminsan pay a nagpanawagan ti hustisiya ni La Union Governor Francisco Emmanuel ‘Pacoy’ Ortega III maipapan iti pannakapapatay iti sigud a mangibagbagi iti segundo distrito ti La Union.
Iti State of the Province Address (SOPA) kahapon, impeksa ni Gov. Ortega iti marikrikna a rurod iti napasamak a krimen.
Kinuna na a minantsaan ti nasao a krimen iti peace and order ti probinsya.
Nupay kasta, mamati ti gobernador a magun-od ti hustisiya babaen iti napudno a panagtalek iti DIYOS a kangrunaan a maka-ammo nu anya ti maiparbeng.
Kabayatanna, suportado ti gobernador iti national campaign maipapan iti nairut a kampanya kontra illegal drugs.
Kagiddan daytoy, impanakkel na iti pannakaideklara iti lima nga ili ditoy probinsiya, babaen iti nabuangay a regional oversight committee, kas drug cleared municipalities malaksid pay iti Bagulin a naideklara kas drugunafftected municiplaity idi 2017.
Innayon na pay a nangilatang ti maysa a porsiyento kasd annual allocation manipud iti total income ti probinsiya kas dedicated funds for peace and order initiatives ditoy La Union.
