Na-reschedule iti arraignment hearing ni Bise Presidente Sara Duterte iti kaso na a grave threats gapo iti agur-uray a mosyon a Partial Reconsideration Ad Cautelam mainaig iti imbasura a motion for inhibition ti hukom.
Segun kenni Atty. Paul Laurence Lim, maysa kadagiti abogado ti bise presidente, kasapulan pay nga adalen ti hukom iti mosyon, kasta met iti agur-uray a Petition for Certiorari idiay Korte Suprema.
Saan pay a dinakamat ni Lim ti baro a petsa ti arraignment hearing, ken kinunana a namaymayat nu agtaud iti impormasyon iti korte wenno ti prosekusyon.
Innayon na a saan a mabalin nga ibinglay iti detalye ti argumento gapo iti agraraira a sub judice rule.
Kabayayatanna, nag-deploy iti Quezon City Police District ti nasurok 100 a tattao tapno agbantay sadiay Hall of Justice Building sakbay a simmangpet ni Duterte agingga iti panagpanaw na.
