Nagpakdaar ni Presidente Ferdinand Marcos Jr. a maibilbilan kas highest level of threat iti national security ti alegasyo a nakaawat ti ₱319 milyon manipud China ken Hong Kong iti maysa a kompanya a maikonkonektar kenni Vice President Sara Duterte ken iti asawa na a ni Atty. Manases Carpio, nu mapaneknekan nga agpayso daitoy.
Timpuar iti saritaan iti tengnga ti impeachment proceedings kontra iti Bise Presidente, kasaruno ti kumpirmasyon ti Anti-Money Laundering Council (AMLC) mainaig iti nasao a pondo.
Nupay kasta, namnamaen ti Presidente a mababalaw dagiti alegasyon.
Kinedkedan met ni Atty. Salvador Paolo Panelo, spokesperson ni Duterte, dagiti pammabasol ken kinuna nga awan ti umdas a basaran tapnu ikonektar iti Bise Presidente ti China gapu laeng iti transaksiyon.
