LA UNION – Maipagarop a binagbagsol ti maysa a 40-anyos a suspek iti kaarruba na a lakay a 65-anyos, gaputi rikkiar dagitoy maipapan iti right of way.
Napasamak ti insidente idiay Barangay Sta Monica, Agoo, La Union.
Nagsagaba iti nasurok dua a bagsol iti biktima a ni Antonio Castillo.
Nabigbig met iti suspek a ni Rolando Oquilas, 40, baro, ken agpada a residente ti nasao a lugar.
Iti interview ti Bombo Radyo La Union kenni C/Inspector Bernabe Oribello, acting chief-of-police idiay ili ti Agoo, maipagarop nga adda iti impluwensiya ti arak iti suspek idi dinarup na ti bagsol iti biktima.
Kinuna na, nga adda itan iti custodiya ti Agoo Police iti suspek ken nakatuding a maidatagan ti maitutop a kaso ita nga aldaw.
Kabayatanna, dagus met a naiturong ti biktima iti La Union Medical Center (LUDMC) idiay Agoo ngem naiyakar iti Ilocos Training and Regional Medical Center (ITRMC) ditoy syudad ti San Fernando para iti naan-anay a pannakataming daytoy.
\
