LA UNION – Pagan-annaden ti Municipal Disaster Risk Reduction and Management Council (MDRRMC) dagiti motorista a dumalyasat iti national highway ti Barangay Santiago idiay ili ti Bauang, La Union gapu iti nagayos a pitak.
Iti pannakiuman ti Bombo Radyo kenni Bauang MDRRMC head Joel Caniezo, kinunana a naggapu ti pitak manipud ti maar-aramid a pribado a sementeryo idiay bantay nga asideg iti kalsada.
Itattay bigat ket saan a makadakyasat dagiti lugan iti kalsada gapu ta nagaburan daytoy iti pitak.
Dagus met a lininisan iti kameng ti Department of Public Works and Highways (DPWH) ti dalan ngem pagan-annaden pay laeng dagiti motorista gapu ta nagalis pay laeng daytoy.
