LA UNION – Nainget iti monitoring ti lokal a gobyerno iti ili ti Santol, La Union maipapan iti panangipatungpal ti Oplan-dalus Day lalo ita a panagtutudo.
Kinuna ni Dr. Godofredo Tongson, Municipal Health Officer iti nasao nga ili, babaen ti nasao a programa ket maliklikan iti panagadu iti lamok a carrier iti dengue virus.
Epektibo sigun kenkuana ti Oplan-dalus Day gapu ta napaneknekanen nga idi napalabas a tawen ket maysa iti Santol kadagiti ili ti addaan ti nakailista iti nababa a kaso ti dengue.
Iti sidong ti Oplan-dalus Day ket sangsangkamaysa nga agdalus iti maysa nga aldaw iti uneg ti makalawas dagigti umili ti nasao a lugar.
