LA UNION – Maysa nga 8-anyos nga ubing ken grade 3 student iti nadungpar ti partas bus kalpasan a tinarayan na iti nangkamat kenkuana a walang nga aso.
Napasamak daytoy iti kawatiwatan ti national highway a sakop ti Barangay Lingsat, San Fernando City, La Union idi malem kalman.
Nabigbig iti biktima nga ubing a lalaki a ni Jade Lubiano, residente ti nasao a lugar.
Maibasar iti report, agawid koman iti biktima manipud pagadalan idi a maysa a walang nga aso iti nangkamat kenkuana.
Gaputi pananglisi na iti posible a kagat ti aso, kellaat a timmaray iti kalsada nga isu metten ti nakadungparan kenkuana iti agpa-amianan a partas bus, a minaneho iti managan Tirzo Lacaden, 47, addaan asawa, taga Nueva Ecija.
Kas resulta, nagsagaba ti nakaru a pannakadun-dunor iti bagi ti biktima ken dagus a naiturong iti maysa a pribado nga ospital iti nadakamat a lugar.
Base iti kauddian a report, naka-ICU (Intensive Care Unit) iti nadakamat a biktima.
Kabayatanna, dagus met a simmuko iti respondent driver ken adda ita iti custodiya ti San Fernando City Police Station para iti umno a disposisyon.
