LA UNION – Ginundawayan dagiti kakailyan idiay probinsya iti La Union a makagun-od ti libre a dental ken medical mission ti Bombo Medico 2018 kangrunaan kadagiti kabbaro a benepisyaryo.
Maysa ni Mang Angelo Garcia ti Barangay Sibuan-otong idiay syudad ti San Fernando iti nagpagabot ti binukbok a ngipenna.
Sigun kenni Mang Angelo, nabayagen a pakaringringuranna iti ngipienna isu a dagus a nagturong daytoy iti Bombo Medico.
Iti met nakapsot a panagkita iti matana ti makagapu para kenni Nana Felicidad Casison ti Santiago Norte, San Fernando City isu a nagpa-check up daytoy.
Ti mannalon a ni Mang Dominador Nisperos ti Barangay Mameltac iti syudad ket ginundawayanna met ti libre a serbisyo nga ipatamin iti doktor ti agut-ut-ot a sakana kalpasan a matudok iti natirad a banag kabayatan nga agsuysuod daytoy idiay taltalon.
Kabayatanna, maysa met a dayaw para kadagiti Doctor’s Association ken Dental’s Association idiay probinsya, uray dagiti medical pratitioneers ti AFP ken dadduma pay a volunteers iti makapagsirbi kadagiti nakukurapay a kakailyan babaen ti medical and dental mission nga indaulwan ti Bombo Radyo Philippines idiay La Union.
