LA UNION – Saan nga mailawlawag ti sumagmamano a first time volunteer iti naiganwat a Bombo Medico 2018 idiay South Central Integrated School iti Barangay Tanqui, ciudad ti San Fernando, La Union ti kinaragsak da nga agserbi kadagiti nakukurapay.
Segun kenni Ms. Gette Bacani, napalaos iti kinaragsak na iti panangbayabay ken panangserbi kadagiti agkasapolan.
Numan umuna a gundaway para kenkuana nga agbalin a volunteer ket saan daytoy nga mauma a tumulong iti pada nga tao.
Iti kabuklan, dumanon iti 1, 623 ti naipaayan ti libre nga serbisyo no sadino 579 iti medical; 195 ti dental; optical 372; ken 477 iti dadduma pay a serbisyo kas ti libre nga eye glasses, massage ken pedicure & manicure.
Dagiti lugar no sadino a naangay ti Bombo Medico 2018 ket pakaibilangan ti syudad ti Manila, Tuguegarao, Cauayan, Laoag, Vigan, La Union, Dagupan, Baguio, Naga, Legazpi, Bacolod, Iloilo, Roxas, Kalibo, Cebu, Tacloban, Davao, General Santos, Butuan, Koronadal, Cotabato, Dipolog, Cagayan de Oro ken Zamboanga City.
