LA UNION – Agtultuloy iti maisaysayangkat a clearing operation iti naduma-duma a private ken government institution iti nagwaras a coal manipud idiay planta ti Holcim Cement Inc. idiay Barangay Quirino, ili ti Bacnotan, La Union.
Naammuan ti Bombo Radyo manipud kenni S/Supt. Ricardo Layug Jr., provincial director ti La Union Police Provincial Office, inyanud iti naglupyas a danum iti kanal gapu ti napigsa a tudo dagiti coal nga adda iti stockpile ti nasao a planta.
Karaman kadagitinakipaset a nagdalus ket dagiti sumagmamano a residente nga asideg ti baybay.
Mapatta-patta a pito a truck load iti choal iti naakop ken naikkaten manipud idiay baybay.
Kabayatanna, maipagarup a pinunas met ti DENR iti panagdanag dagiti residente gapu ta non-toxic met dagiti naadu a coal ken kontrolado metten iti panagwaras daytoy.
