LA UNION – Naidatagen idiay piskalya ti kaso kontra kadagiti drug personality a naaresto ti pulisya nagsisina a buy bust operations idiay probinysa ti La Union.
Idiay Barangay Catbangen, syudad ti San Fernando ket tiniliw dagiti pulis ti suspek a ni Gerry Banayat Jr., 27,gapu iti maipagarup a panaglakona iti tallo a sachet a naglaon iti maatap a shabu.
Dua a sachet a nalaon iti maatap a marijuana iti nakompiskar manipud ti drug surenderer a ni Arsenio Manahan Jr., 50, residente ti Barangay Luzong Norte, ili ti Bangar.
Ni Manahan ket naaresto idiay Barangay Cadapli, Bangar gapu iti maipagarup a panaglakona iti droga.
Arestado met idiay Barangay San Joaquin Norte, Agoo ti drug personality nga adda iti watchlist ti otoridad iti agnagan ti Nolly Ramirez, 45, residente ti Barangay San Nicolas East iti nadakamat nga ili.
Ni Ramirez ket maipagarup a naaktuan nga aglaklako iti dua a sachet iti maatap a shabu.
Immuna iti daytoy, idi napalabas nga aldaw ket nagsasaruno iti panangkemmeg ti pulisya kadagiti drug suspect idiay probinsya.
