LA UNION – Nakatuding a maidatagan inton bigat iti kaso a panaglabsing iti Comprehensive on Dangerous Drugs Act dagiti dua a baro a maipagarup nga aglaklako iti shabu idiay syudad ti San Fernando, La Union.
Tiniliw iti pulisya ni Ralph Lester Rosimo, 20, residente ti Barangay Madayegdeg idiay syudad gapu ti maipagarup a panangidiaya ti dua a sachet a naglaon iti maatap a shabu.
Dua a sachet met iti maatap a shabu ti nakompiskar manipud kenni James Graymoor Gumangan, 23, residente ti Barangay Sevilla ti nasao a syudad.
Naammuan ti Bombo Radyo manipud iti San Fernando City Police, bin-ig a newly identified drug personalities dagiti nadakamat a suspek.
Kabayatanna, agpada met a pinaglibakan dagiti suspek a kukuada dagiti nakompiskar a maatap a droga.
