LA UNION – Madama a dukduktalen iti pulisya ti rason iti panagbekkel ti maysa a baro idiay Barangay Nagatiran, ili ti Bacnotan, La Union.
Nabigbig nasao a baro a ni Ariel Almojuela.
Naammuan ti Bombo Radyo manipud iti Bacnotan Police Station, nasarakan laengen ti biktima babaen ti amana a ni Arnold Almojuela a nakabitin iti bagi daytoy iti sirok ti maysa a salomagi a masarakan iti sango ti balayda.
Maysa a tali iti ingalot ti baro iti tengngedna ken ti sanga ti kayo a nagbekkel.
