Pinal-en iti work stoppage order nga impataw ti Department of Labor and Employment–National Capital Region (DOLE-NCR) iti innem a barko ti Atienza Shipping Lines kasaruno iti napasamak a pannakauram ti MV June Aster a nakatayan dagiti 77 a tattao.
Segun kenni DOLE-NCR Regional Director Roi Buenafe, natakuatan iti inspeksyon idiay Navotas City iti kinaawan ti Occupational Safety and Health (OSH) program, dagiti safety officer, ken emergency preparedness module.
Gapu iti daitoy, saan pay a mabalin nga agbiyahe iti innem a barko agingga saan nga maurnos ti kompanya dagiti panaglabsing. Nupay kasta, agtultuloy iti panagbayad ti sweldo kadagiti apektado a mangmangged.
Naikkan iti kompanya ti agingga Oktubre 23 tapnu matungpal dagiti kasapulan ken nu maapay a maaramid dagitoy ket mabalin a mamulta da ti agingga ₱100,000.
Kabayatanna, nagballaag ni DOLE Secretary Francis Tolentino kadagiti kompanya a nainget a suruten dagiti standards maipapan iti kinatalged tapnu maprotektaran dagiti tripulante ken pasahero.
