BR LA UNION – Epektibo inton Oktubre 26 iti kanayunan a suweldo a Php 45 kada aldaw para kadagiti minimum wage earner idiay CALABARZON.
Kaibatugan daytoy ti agingga Php 1,170 a kanayunan iti binulan a suweldo dagiti mangmangged iti nasao a rehiyon.
Maibasar iti Wage Order No. IVA-23, agduma ti maingato a suweldo depende iti sektor ti trabaho ken kategorya ti munisipalidad.
Segun iti National Wages and Productivity Commission (NWPC), nasurok 1.56 milyon a minimum wage earner idiay CALABARZON ti mabenipisyaran iti baro a wage adjustment.
Naaprubaran iti kanayunan a suweldo babaen ti tripartite mechanism a pakaibilangan dagiti mangibagbagi kadagiti mangmangged, employer ken gobyerno, kalpasan ti pannaka-amiris ti agdama kasasaad ti ekonomiya ti rehiyon.
Siniguro met ni Labor Secretary Francis Tolentino a nairut a bantayan ti DOLE Regional Office 4A iti pannakaipatungpal ti baro a wage order tapno masiguro a sumurot dagiti establisimyento.
