LA UNION – Naidatagen idiay piskalya ti kaso kontra iti maysa a misis a naalaan iti droga kabayatan iti seacr operation dagiti pulis idiay Barangay Lingsat, syudad ti San Fernando, La Union.
Nabigbig ti suspek a ni Jesusa Borja alyas “Jessa Pelias Borja”, 41 , residente iti nasao a lugar.
Naammuan ti Bombo Radyo manipud ti San Fernando City Police, ti suspek ket karaman iti listaan iti Philippine Drug Enforcement Agency (PDEA) kas high value target (HVT) drug personality.
Babaen ti search warrant nga impaulog iti korte, nadiskobre manipud iti pagnanaedan ni Borja ti lima a sachet a naglaon iti maatap a shabu.
Kaso a panaglabsing iti Comprehensive on Dangerous Drugs Act ti reklamo a sangsanguen ti suspek.
