LA UNION – Maysa a motorcycle rider iti natay kalpasan a nadungpar ti big bus, pasado alas 2:00 itay parbangon, iti kawatiwatan ti national highway, partikular iti sakop ti Barangay Paringao, Bauang, La Union.
Iti biktima ket managan Crismax Enriquez, 27, baro, residente ti Barangay San Francisco, San Fernando City, La Union.
Nabigbig met iti nagmaneho ti Maria deleon Bus a ni Moromull Sibucao Miguel, 49, addaan asawa, residente ti Makati City.
Base iti police report manipuyd Bauang PS, iti airconditioned bus ket agturong iti amianan a direksiyon idi maipagarop a nag-overtake ti motorsiklo a rason ti pannakaidungpar na iti sumungsungad a bus.
Kas resulta, nagsagaba iti nakaru a pannakadun-dunor iti motorcycle rider ken naideklara a dead-on-arrival iti ITRMC idinto nga agtultuloy a maag-agasan iti nasao nga ospital iti backride na a ni Rolando Carig, 48, addaan asawa, ken tubo ti Quezon City.
Awan met ti nadunor wenno nadangran a pasahero agraman ti driver iti Maria Deleon Bus.
Agtultuloy iti imbestigasyon ti pulisiya maipapan iti nasao nga aksidente.
