Nagpanawagan ni Sen. Jinggoy Estrada nga itandudo iti diplomasya raemen iti linteg ti tengnga ti waragwag nga ideklara a persona non grata ni Chinese Ambassador Jing Quan kasaruno iti waragawag na a nalaka a mangabak iti Beijing nu mangusar daitoy ti puwersa mainaig iti saritaan ti West Philippine Sea (WPS).
Nupay maaw-awatan ni Estrada iti pannakadismaya ken panagdanag ti publiko, kinuna na a saan a rumbeng a padalus-dalos iti desision a panagpatakyas iti ambassador a saan nga ikonkonsiderar ti posible nga epekto iti koneksion ti Pilipinas ken China.
Segun iti senador, kasapulan a natibker nga iwaragawag ti Pilipinas iti panagkontra daitoy a maibatay iti linteg, kinapudno, karbengan ti pagilian, laksid a mangnamnama laeng kadagiti nakaro a waragawag.
Impaganetget ni Estrada a kasapulan a raemen ti China iti 2016 Arbitral Award nga agserserbi kas basaran ti takder ti Pilipinas iti WPS.
Kinuna na a nu umno a kayat ti Beijing iti kinakapia, kasapulan daitoy a bigbigen, ken raemen iti nasao a desisyon.
Inallukoy na met iti agpada a dasig nga agbalin a nakapia ken pilien iti diplomasya ken diyalogo tapnu masungbatan dagiti saritaan iti nagbaetan ti Pilipinas ken China.
