LA UNION – Malaksid a maysa a construction worker, maipagarop pay a maysa a drug pusher iti managan Roderick Rosario,34, residente ti Barangay Damortis, Sto. Tomas, La Union ken maibilang a newly identified drug pusher.
Base iti nakalap a report ti Bombo Radyo, naisayangkat ti anti-illegal drug buy bust operation idiay Barangay Lomboy ti nasao met laeng nga ili itay laeng parbangon, a naka-arestaran ni Rosario.
Nakumpiskar dagiti otoridad nga ikot ti suspek iti dua (2) a plastic sachet iti maipagarop a napagango a bulong ti marijuana ken P200 a nagserbi a buy bust money.
Iti suspek ket sumangsango ita ti kaso a panaglabsing iti R.A. 9165 wenno Comprehensive Dangerous Drugs Act.
