LA UNION – Naglak-am iti suspek ti bagina ti maysa a kagawad kalpasan a binagsol daytoy iti padana a kagawad idiay Barangay Maragayap, ili ti Bacnotan, La Union.
Sigun kenni C/Ins. Baldwin Sokoken, hepe ti Bacnotan Police, maipagarup a madama idi ti panagrambak iti kasangay ni Kagawad Arnulfo Santos, 54, idi a nabagsolna ni Kagawad Juvenal Bucasas, 42.
Sigun kenni Sokoken, nangrugi iti riribok ti birthday party idi a maipagarup a makidisdiskusyon ni Bucasas kadagiti sangaili ni Santos.
Maipagarup a saan nga agpaanawa ni Bucasas isu nga inanawa daytoy ti agkasangay gapu ta ibainanna dagiti naimbiraran a sangili.
Gapu ta maipagarup a saan a mangipangpangag ni Bucasas ket nabagsol isuna ni Santos.
Dagus met a naiturong iti ospital ni Bucasas tapno mataming ti sugatna.
Naiturong met iti kustodiya ti pulisya ni Santos ken maur-uray no pormal a mangidatag iti reklamo ti nabagsolna a kagawad.
Maipagarup nga adda iti impluswensya ti arak dagiti dua idi a napasamak ti riribok.
