LA UNION – Nagkiddaw iti agapaman a privacy ti naulila a pamilya ni Sudipen, La Union Municipal Mayor Alexander Boquing tapno makapagladinget.
Agpanpanawagan iti pannakaawat kadagiti kakailyan ni Executive Assistant to the Mayor Reyna Catcatan a palubusan pay nga ipapas iti panagladingit ti pamilya Boquing gapu iti nadagsen a karit a sangsanguen dagitoy matapos mamatay ang alkalde.
Kabayatanna, sigun kenni Catcatan nga uray isuda a kanayon a makadkaddua ni Mayor Boquing idiay municipal hall ket blangko pay laeng iti motibo ti krimen.
Awan iti ammoda nga adda iti nakaapa wenno nangimula iti sakit ti nakem ti alkalde.
Inladawan ni Catcatan a nasayaat nga opisyal ti ilida ni mayor.
Iti laksid ti panagladingit ti lokal a gobyerno iti Sudipen ket impanamnama ni Catcatan a pagserbiyanda a naimbag dagiti kakailyanda.
Iti sabali a bangir, arigna a saan pay a makapamati ni Kapitan Renato Pang-es ti Barangay Castro, Supiden iti napasaran ni Mayor Boquing a residente iti imatmatunanna a lugar.
Uray isuna ket agsidsiddaaw maipapan ti nagbanagan ti alkalde gapu ta nasinged daytoy kadagiti kakailyanda.
Idiay Barangay Castro a pakasarakan iti family house da Mayor Boquing a maimassayag ti bagi daytoy.
Aniaman nga oras inton bigat ken maiturong sadiay iti bagi ti alkalde tapno malamayan.
