LA UNION – Agtultuloy a mangigubway ti nadagaang a panawen iti agraraira nga Easterlies iti intero a pagilian ita nga aldaw ti Domingo, Hunyo 2.
Iti easterlies ti mangipaay iti nakuyem a tangatang, mabuyogan ti mapatto-pattok a panagtudo wenno panaggarru-od kadagiti lugar iti dumaya a paset ti Southern Luzon agraman idiay Metro Manila, Visayas, ken Mindanao.
Nupay kasta, imballaag ti state weather bureau a posible latta iti panaglayos ken landslide kadagiti nababa a lugar nu makapadas iti napigsa a panagtudo.
Kabayatanna, agtultuloy nga imon-monitor ti PAGASA iti active tropical cyclone “Maliksi” nga adda iti ruar ti Phil Area of Responsibility wenno asideg iti Extreme Northern Luzon.
Immunan nga imbaga ti local weather bureau a bassit ti tiyansa a sumrek iti teritoryo ti Pilipinas iti nasao a tropical depression, ngem ingkaso nga agbaliw ti direksiyon ken sumrek iti PAR, maawagan daytoy a bagyo “Butchoy.”
