BR LA UNION – Nangirwar ti lokal a gobyerno ti Bacnotan iti Traffic Advisory para iti masungad a Region 1 Athletic Association (R1AA) Meet 2025 Grand Parade.
Daytoy ket tapno masiguro iti nannayas ken natalged a pannakaisayangkat ti parada ti R1AA 2025 iti sumaruno a lawas.
Dagiti kalsada a maapektaran iti temporaryo a pannakairikep inton Marso 11 (Martes), manipud alas 12 ti tengngat aldaw ket dagiti sumaganad:
– Eastern lane ng McArthur Highway
– Dacanay Street
– Consolacion Street
– Guerrero Street
– Las Palmas Street
Iti alternatibo a ruta para kadagiti agturong idiay San Gabriel, mabalin da nga usaren ti San Juan-San Gabriel Road.
Dagiti Light vehicles kas koma dagiti traysikel ken motorisklo ket mabalin da ti dumalyasat iti Cabaroan-Bagutot-Agtipal-Zaragoza Road
Mabalakadan dagiti motorista a planwen iti biyahe tapno saan a maapektaran wenno maperwisyu.
Kabayatanna, agtultuloy iti panangkita ti Department of Education (DepEd) Region Open kadagiti kasapolan pay a maaramid ken maipatungpal para iti nasao nga sports event, a maisayangkat iti ili a Bacnotan, manipud Marso 10 agingga 15.
Iti R1AA ket maysa a tinawen nga sports event nga idaulwan ti DepEd ken pakipartisiparan iti ginasut nga student-athletes manipud iti naduma-duma nga school divisions iti intero a rehiyon uno.
Agserbi daytoy nga screening ken qualifying event para kadagiti mangibagi ti rehiyon uno a makipaset iti Palarong Pambansa 2025.
