Imbatad ni sigud a Senior Associate Justice Antonio Carpio a mabalin nga ikkaten wenno kiddawen ni sigud a presidente Ferdinand Marcos Junior kenni Solicitor General Menardo Guevarra nga aglosolosen iti posisyon kalpasan ti panagkedked na a mangibagi kadagiti opisyal ti gobierno iti Korte Suprema kontra iti habeas corpus petitions mainaig ti pannakaarestar kenni sigud a presidente Rodrigo Roa Duterte.
Segun kenni Carpio, maisupadi ti manifestation of recusal ti SolGen iti mismo a posisyon ti gobierno a dimmalan ti legal a proseso iti pannakaarestar kenni sigud a presidente Rodrigo Roa Duterte kas maiyannurot metten ti Republic Act 9851 nu sadino adda ti pagpilian ti gobierno nga isurrender ti ni FPRRD iti International Criminal Court (ICC).
Mangipakpakita lang kunana ti desisyon ti SolGen nga awan ti teamwork iti gabinete ti Marcos administration.
Segun pay iti sigud a mahistrado, ti desisyon ni Guevarra ket kayat a satwen nga agkasapulan dagiti respondents a pakairamanan dagiti ahensya ti gobierno a mangbirok ti sabali nga abogado tapno depensaan isuda iti Korte Suprema.
Mabalin pay kunana nga usaren ti recusal ti SolGen iti kampo ti sigud a presidente Duterte kontra iti administrasyon.
Imbatad pay ni Carpio nga agserserbi ti SolGen kas “pleasure of the President” ken mabalin a maikkat ti puwesto ti aniaman nga oras.
Maipalagip nga immunan nga nangipila ti manifestation and motion ni SolGen Guevarra iti SC idi Marso 17 nu sadino ket nagkedked isuna nga depensaan dagiti opisyal ti gobierno gapo ta posible a saan na kano ga epektibo a mairepresenta dagitoy agsipud ta maisupadi ti posisyon ti OSG nga awan ti hurisdiksiyon ti ICC ditoy Pilipinas.
Sigud a nagserbi ni Guevarra kas deputy executive secretary ken sekretaryo ti Department of Justice babaen ti administrasyon ni igud a presidente Rodrigo Roa Duterte sakbay a nadutokan isuna kas Solicitor General ti Marcos administration.
