Dumanon iti 70 a katao iti nagsugsugatan iti inaramid nga airstrike ti Russia kadagiti kabalayan ti Sumy City idiay Ukraine.
Iti nasao nga panagraut ket kagiddan ti panagpatang ti Russia ken Estados Unidos nga naangay idiay Saudi Arabia.
Dumanon iti 14 nga ubbing dagiti karaman iti nasao nga airstrike.
Depensa met ti Russia, bimmales da laeng iti inaramid nga drone attack ti Ukraine iti Belgorod gas distribution station.
Inakusaran pay ti Russia iti Ukraine nga pinanggep da nga rauted iti Glebovskoye gas condensate field idiay Crimea ngem naharang daitoy ti Russian air defense.
Kabayatanna, kinumpirma met ti White House nga maaddaan manen ti panagtataripnong iti nagbaetan ti mangibagbagi ti Estados Unidos ken iti Ukraine nga maangay metlaeng idiay Saudi Arabia.#
