Nakatutok itan ti Department of Foreign Affairs (DFA) kadagiti alegasyon kontra kadagiti tallo a Pilipino nga agdama ita a nakadetene idiay China.
Ti waragawag ti DFA a naidalan babaen ti Presidential Communications Office (PCO), dinakamat da nga agtaltalinaed a kangrunaan a prayoridad ti gobierno ti panangsalaknib kadagiti karbengan dagiti nasao a Pilipino.
Segun iti ahensya, iti agdama ket agtultuloy ti panangipaay ti kasapulan a tulong ti konsulado ti Pilipinas idiay Guangzhou pakairaman ditan ti maiyanatop a suporta legal.
Impadanon metten ti departamento iti Chinese government ti hirit ti gobierno a siguraduen a nainkalintegan ti pannakataming ti kaso dagitoy, kas panagtungpal ti due process ken sibubukel a panagraem ti karbengan dagiti tallo a Pilipino para iti pakabatugan a domestic laws ken ti Philippines-China Consular Agreement.
