Adda ita ditoy Pilipinas ni Filipino pole vault star EJ Obiena para iti panagtultuloy ti panagsanay na.
Kinunana a saan laeng a panagbisita ti araramiden da ita nga adda isuna itan iti full-blown training camp sadiay Cavite.
Makadwa na iti panagensayo ket ni legendary coach Vitaly Petrov, physiotherapist Christian Ferdinandi, ken ni Saudi Arabian pole vaulter Hussain Al Hizam.
Ti nasao nga training camp ket kas panagsagana para kadagiti sumagmamano nga outdoor season pakairamanan dagiti major tournaments idiay China ken South Korea kasta metten iti posibilidad ti Southeast Asian Games ita nga tawen.
Innayon pay ni Obiena nga isu a nagsubli da ditoy pagilian ket tapno mapukaw ti napalaos a bannog kadagiti nagduduma a biahe manipud kadagiti torneo.
Segun kenkuana, nakasagana itan nga itultuloy ti nainget a trainings kakadwa dagiti professional coaches.
