Dinominar ni Luka Doncicti nagbalin a matchup ti baetan ti Los Angeles Lakers ken ti sigud a bunggoy na a Dallas Mavericks.
Nagpatudo ni Doncic ti 45 points, karaman pay dagiti walo a rebounds, ken innem nga assists bayat a 27pts ken pito a rebounds met ti naiambag ni NBA superstar Lebron James.
Saan a nalapdan ti Dallas ti impresibo nga opensa ti sigud da nga star player, aglalo iti 2nd half ti nasao nga ay-ayam.
Napaay ti sigud a bigman ti Los Angeles a ni Anthony Davis a sabayan ti opensa ti sigud na a bunggoy, nu ketdi ket nalimitaran laeng isuna ti 13 points ken 11 rebounds para ti 33 a minutos a panagay-ayam iti hardcourt.
Agtultuloy ti laban ti Dallas iti Play-In Tournament spot tapno makastrek iti 2025 playoff, imet iti kartada nga 38 – 42.
Kabayatanna, komportable met ti Lakers a maala ti maikatlo wenno maika-apat a pwesto iti western conference, iggem ti 49 wins ken 31 losses bayat a dua nga ay-ayam laengen ti schedule dagitoy.
Maibasar ti record ti Lakers, naarimadan da nga ipangabak dagiti lima kadagiti sangupulo nga ay-ayam da. Kapada da ti record ti Dallas.
