Nangipablaak ti Federal Bureau of Investigation (FBI) iti social media ti “Most Wanted” list iti human trafficking a pakairamanan Kingdom of Jesus Christ (KOJC) founder Pastor Apollo Quiboloy ken dua pay a kameng ti sekta nga isuda Teresita Tolibas Dandan ken Helen Panilag.
Naibilang da Quiboloy, Dandan ken Panilag kas pugante a naakusaran iti nabayagen a mapatpataray nga human trafficking scheme.
Nagpanawagan ti bureau iti siasinoman nga addaan ti impormasion maipapan kadagiti nadakamat nga indibidual a tumawag iti 1-800-Call-FBI, tawagan iti kaasitgan nga embahada wenno konsulado ti America wenno mangisubmitir ti tip online.
Ur-urayen ti gobierno ti Pilipinas iti pormal a kiddaw manipud America tapno i-extradite iti pastror a naarestar idiay Davao idi Agosto 2024 ken agdama a nakadetined idiay Pasig City Jail.
Idi laeng Huebes, personal a dimmar-ay ni Quiboloy iti panagtultuloy ti panagdengngeg iti kasona nga human trafficking.###
