Nakasaganan iti Bureau of Jail Management and Penology (BJMP) para ti umadani nga eleksyon inton Mayo 12 ita nga tawen.
Segun kenni BJMP Spokesperson Superintendent Jayrex Joseph Bustinera, iti agdama ket adda pakabuklan bilang a 31,750 dagiti nakaiald a botante ita nga eleksyon.
Daitoy a bilang ket manipud kadagiti populasyon a 115,791 a nakakulong nga persons deprived of liberty (PDL’s) ti intero a pagilian.
Innayon ni Bustinera nga aganay 393 a pasilidad ti ahensya ti mausar nga agserbi kas Special Polling Precints para kadagiti PDLs a kayat na a satwen ket saanen a rumuar pay dagiti botante ken idiay dan uneg nga isayangkat ti panagbotos.
Para met kadagiti kulongan nga adda nakarehistro a 50 a bilang wenno nababbaba pay a PDL voters, babaen metten ti tulong dagiti BJMP personnel ket maiturong dagitoy kadagiti regular polling precints tapno idiay nga isayangkat ti panagbotos.
Adda met ti aganay 464 ti bilang dagiti PDLs nga adda iti sidong ti allagaden a daitoy kas imbilin metten ti Comission on Elections ken ti Department of Interior and Local Government (DILG).
Kabayatanna, dagiti PDL’s met ket mapalubosan latta nga agbotos kadagiti amin nga kandidato, mapa-lokal man wenno national positions, nga isu ket nangrugin idi pay napalabas nga eleksyon 2022.
Pinalubosanen ti Comelec, kas maibasar ti nairuar a relosuyon a dagiti PDL’s ket agbotos kadagiti national level candidates para iti patas a panagkalap ti botos ken ti natalged nga eleksyon.
Iti agdama, pito kadagiti kandidato metten ti namonitor ti opisina nga agdama a sumangsango kadagiti kaso ken nakabalud bayat a ti panagkampaniya met dagiti kandidato iti ruar ti pagbaludan ket mabalin payen nga idanon ti uneg babaen kadagiti video messages.
