Impadamag ti Chinese state media a nangitag-ay ti bandera iti China Coast Guard (CCG) idiay Sandy Cay a pagaammo ditoy Pilipinas kas Pag-asa Cay 2 idiay Spratly Islands ken nangideklara da ti “sovereign jurisdiction” iti lugar.
Napasamak ti insidente iti katengngaan ti Abril nu sadino ket nangisayangkat pay dagiti kameng ti CCG ti inspeksyon ken panaglayos iti nasao nga reef.
Kinumpirma ti Armed Forces of the Philippines (AFP) a mangiruar ti opisyal a waragawag ti National Task Force for the West Philippine Sea (NTF-WPS) mainaig iti daitoy a napasamak.
Ti Sandy Cay ket asideg iti Pag-asa Island idiay West Philippine Sea (WPS), ken nakabase sadiay dagiti soldado a Pilipino ken maysa a bassit a komunidad.
Idi Enero ket inakusaran ti Philippine Coast Guard iti CCG ken Chinese Navy iti panangbully kadagiti barko ti Bureau of Fisheries and Aquatic Resources (BFAR) nga agturong sadiay Sandy Cay para iti maysa a marine survey, kasaruno metten iti panangidamag a nangikabilti China kadagiti durog a korales iti aglawlaw ti isla.
