BR LA UNION – Kampante iti kampo ni VP Sara Duterte a nakasagana da a sumango iti dadduma pay nga imbestigasyon, malaksid ti maisay-sayangkat nga impeachment trial idiay Senado.
Segun iti tagapagsarita ti Bise Presidente a ni Atty. Paolo Panelo, nakasagana ti legal team ni VP Sara a sangwen ti dadduma pay nga imbestigasyon a posible nga iyuswat ti anyaman nga investigating body kontra kenkuana.
Kabilang ditoy iti posibilidad nga imbestigasyon kadagiti isyu a rumrumwar iti impeachment trial kas iti financial issues.
Segun kenni Atty. Panelo, agtaltalinaed iti takder ken posisyon ni VP Sara nga awan ti anyaman nga inaramid na a biddut iti uneg ti karera na iti public service sipud nagbalin a local chief executive idiay Davao agingga itan a bise presidente ti Pilipinas.
Maipalagip nga adda dagiti nangidatag ti kaso a plunder ken criminal complaints kontra iti bise presidete gaputi financial issues a maipagarop a pakairam-ramananna.
Dagiti nangidatag ti reklamo a plunder, bribery, malversation, ken graft ket dagiti Civil society leaders, church representatives, ken academics.
Simmaruno ti dadduma pay a plunder ken criminal complaints nga indatag ni sigud a Sen. Antonio Trillanes IV.
