Agtalek ti Bangko Sentral ng Pilipinas (BSP) nga agay-ayam laeng manipud 1.3 agingga 2.1 percent ti inflation para ti bulan ti Abril.
Sumagmamano kadagiti makitkita a rason ti bangko ket ti panagbaba ti presyo dagiti petrolyo, lames, bigas, gulay, ken dadduma pay.
Dagiti met rason nu apay a ngimmato ti inflation ket ti nangina a singir ti kuryente kasta met ti nangato a plete ti LRT-1.
Maipalagip nga idi bulan ti Marso ket nairecord ti 1.8 percent inflation a nababbaba ngem ti 2.1 percent idi bulan ti Pebrero ken 3.8 percent met idi Enero.
Kabayatanna, inton Mayo 6 pay nga maiyanunsyo ti Philippine Statistics Authority (PSA) ti inflation rate para ti bulan ti Abril.
