BR LA UNION – Nagpanawagan iti Bureau of Internal Revenue iti publiko partikular kadagiti retailers wenno aglaklako iti produkto a vape nga amirisen a naimbag dagiti mailaklako.
Panawagan ni Bureau of Internal Revenue Commissioner Romeo D. Lumagui Jr. kadagiti negosyante a kitaen nu lehitimo dagiti tagilako a vape products.
Pinalagipanna pay dagitoy nga iparehistro ti negosyo da iti Department of Trade and Industry tapno ligal ti panaglako.
Impalagip na pay a saan a lipatan ti agbayad ti umno a buwis partikular ti excise tax kadagiti ilaklako a produkto.
Nainget met a binallaagan ni Commisioner Lumagui iti publiko a saan da nga agpangadua a kamaten dagiti aglabsing iti linteg.
Kinunana a seryoso da nga idatagan ti kaso dagiti madiskubre da nga iligal ti operasyon na a negosyo.
Kabayatanna, imbaga pay ti commissioner a mabalin nga i-surrender dagiti negosyante iti opisina da dagiti produkto a vape a maipagarop saan a lehitimo a mailaklako.
Kagiddan ti ballaag iti panangallokoy na ti publiko partikular dagiti negosyante a pilyen dagiti serken a negosyo ken liklikan ti agilako dagiti produkto a saan a nabayadan ti excise tax.
Maipalagip nga itay kallabes ket nagturong ti komisyuner iti Department of Justice tapno idatagan ti multiple tax evasion case iti sumagmamano a kumpanya a saan nga agbaybayad ti buwis.
