Nabarsak ti sapatos ni Kenyan President William Ruto kabayatan ti panagbetla na sadiay Migori county, western Kenya.
Madama a dakdakamaten na ti plano a panangingato ti buis agingga nasuron dagiti agdengdengngeg kenkuana isu nga adda ti nangibarsak ti sapatos. Naharang met ni President Ruto ti sapatos ken awan met ti aniaman a nakaro a dunor a sinagaba na.
Kinuna ni Interior Minister Kipchumba Murkomen nga inarestaren ti kapulisan ti Kenya dagiti tallo a lalaki nga adda ti likudan ti insidente.
Maipalagip a nabarsak metlaeng ti sapatos ni US President George W. Bush a nagtaud ti maysa nga Iraqi journalist idi pay tawen 2008.
