LA UNION – Nakaaramid ti baro a world record ni Kenyan runner Ruth Chepng’etich.
Napasamak daytoy iti kalkalpas a women’s marathon idiay Chicago kalpasan a nakumpleto na iti course iti uneg ti 2 hours, 9 minutes and 56 seconds a maibilang a kaunaan a babae a nakaaramid ti 2:10 barrier.
Kaibatugan daytoy ti under five minutes per mile for 26.2 miles.
Naartapanna iti sigud a record a 2:11:53 a nailista ni Tigist Assefa ti Ethiopia idi Setyembre 2023.
Iti panangabak na ket maikatlo a karera na idiay Chicago.
Segun iti World Athletics nga ad-adalen da a nasayaat iti proseso nga inaramid ti Kenyan runner sakbay da nga ideklara daytoy a record holder.
Kinuna ni Chepng’etich a maragsakan unay agsipudta napasamak met laengen ti arapaap na ken saan a nasayang ti inaramid na a sakripisyo.
