BR LA UNION – Welcome iti Malakanyang ti presensiya idiay senado dagiti lehitimo nga oppositionist ngem nakasagana a labanan dagiti obstructionist.
Inwaragawag daytoy ni Palace Press Officer Usec. Claire Castro kalpasan a simrek kadagiti umun-una a senatorial candidates iti magic 12 ti sumagmamano nga oposisyon.
Segun kenni Castro, nalaka laeng a makita iti diprensiya ti opositionist ken obstructionist.
Impaganetget ni Castro a maibilang a lehitimo nga opossitionist dagiti indibidwal a mangilab-laban iti interes dagiti umili, saan ketdi nga unaen iti bukod nga interest wenno personal laeng ti agenda.
Kinuna ni Castro a maibilang nga obstructionist nu iti ar-aramiden ket mangdadael laeng ken awan ti makita a napintas nga ar-aramiden ti gobyerno .
Imbaga ni Castro a labanan da dagiti obstructionist nu makita da nga agaramid laeng dagitoy ti fake news wenno agiwaras iti biddut a damag ken agsao a kontra iti gobyerno ngem awanan met iti ebidensiya.
