Agtultuloy a tutokan ti Mamamayang Liberal party-list first nominee a ni Leila de Lima ti panagsagana para ti impeachment trial ni Vice President Sara Duterte kasta met dagiti plano para ti legislation.
Daitoy ket laksid iti panagbaliktad ti wenno panagtagiawan-bileg ti Court of Appeals ti desisyon manipud Muntinlupa Regional Trial Court Branch 204 a ma-abswelto ni De Lima ti maysa kadagit kaso na nga adda pakainaigan na ti droga.
Segun iti abogado ni de Lima a ni Attorney Dino de Leon, mamati ti kampo da saan a mangpeggad ti nagbalin a desisyon ti korte ti pangta ti pannakaarestar ken pannakakulong kenni de lima.
Kinunana a naisubli ti kaso idiay Regional Trial Court tapno maisurat a nasayaat agsipud daitoy met ti problema na ken saan nga iti pannaka-absuwelto.
Mamati ti kampo ni De Lima nga awan ti napasamak a grave abuse of discretion iti desisyon ti Muntinlupa RTC a nag-abswelto kenkuana.
Kabayatanna, kinuna pay ni De Leon nga agbalin a naannayad ti first nominee ti partido iti panagsagana para ti impeachment trial agsipud ta ni De Lima ket nagserbi pay kas justice secretary ken maysa a bar topnotcher.
Maibasar ti national certificate of canvass, maika-14 a pwesto ti Mamamayang Liberal party-list a nakagun-od ti 547,949 votes.
